យោងតាមការចេញផ្សាយរបស់ Daily Mail បានអោយដឹងថាក្លឹប Manchester United កំពុងសម្លឹងមើលការផ្ទេរយកកីឡាករ Nuno Mendes ខណៈដែល Ruben Amorim សម្លឹងមើលការប្រើប្រាស់ទម្រង់លេងថ្មីរបស់គាត់នៅ Old Trafford ។
ក្លឹប Manchester United កំពុងពិចារណាលើការចុះហត្ថលេខាលើខ្សែការពារស្លាបឆ្វេងថ្មី ហើយអាចនឹងសម្លឹងឃើញកីឡាករ Mendes ។ ដោយសារ Tyrell Malacia មិនទាន់ធ្វើអោយអ្នកចាត់ការថ្មីឃើញអំពីទម្រង់លេងរបស់គាត់ បន្ទាប់ពីត្រលប់មកពីព្យាបាលរបួស និងកីឡាករ Luke Shaw ដែលតែងតែជួបបញ្ហារបួសជាប្រចាំ។
ដូច្នេះលោក Amorim អាចនឹងពិចារណាការជួបជុំជាមួយអតីតកីឡាកររបស់គាត់ដែលបានបង្ហាញខ្លួនជាលើកដំបូងក្រោមការដឹកនាំរបស់គ្រូបង្វឹកព័រទុយហ្គាល់នៅ Sporting CP ក្នុងឆ្នាំ២០២០៕
