ខ្សែការពារ Benoit Badiashile របស់ Chelsea បានបង្ហាញពីបំណងរបស់គាត់ក្នុងការបន្តនៅជាមួយក្លឹប បន្ទាប់ពីមានការរំពឹងទុកថ្មីៗនេះដែលភ្ជាប់គាត់ជាមួយនឹងការចាកចេញ។
ខ្សែការពារកណ្តាលសញ្ជាតិបារាំងដែលបានចូលរួមជាមួយ Chelsea ពីក្លឹប Monaco ក្នុងការផ្ទេរតម្លៃ ៣៥លានផោនក្នុងខែមករាឆ្នាំ២០២៣ បានសង្កត់ធ្ងន់លើការប្តេជ្ញាចិត្តរបស់គាត់ក្នុងការទទួលបានជោគជ័យនៅ Stamford Bridge ។
នេះបើយោងតាមការចេញផ្សាយរបស់ Sky Sports News បានអោយដឹងថាក្លឹប Chelsea មិនមានចេតនាលក់កីឡាករវ័យ ២២ឆ្នាំដែលមានការវាយតម្លៃខ្ពស់នោះទេ។
គាត់បាននិយាយថា៖ «ពិតណាស់ ខ្ញុំចង់ស្នាក់នៅ Chelsea គឺជាក្លឹបដ៏ធំមួយ។ ខ្ញុំដឹងថាវាពិបាកក្នុងការជោគជ័យនៅទីនេះ ប៉ុន្តែខ្ញុំនឹងប្រឹងប្រែងឱ្យអស់ពីសមត្ថភាព»៕
