ក្លឹប Manchester City ត្រូវបានគេរាយការណ៍ថាចាប់អារម្មណ៍លើកីឡាករ Samuele Ricci របស់ក្លឹប Torino ហើយនាយកកីឡាក្លឹប Serie A លោក Davide Vagnati បានឆ្លើយតបទៅនឹងការចាប់អារម្មណ៍។
ថ្លែងទៅកាន់ Sky Italia លោក Vagnati បាននិយាយថា៖ «ខ្ញុំនឹងមិនធ្វើអត្ថាធិប្បាយលើរឿងរបស់ក្លឹប Manchester City នោះទេ»។
«អ្វីដែលខ្ញុំអាចនិយាយបាននោះគឺថា យើងបានចុះហត្ថលេខាលើ Ricci កាលពីគាត់នៅក្មេង ហើយវាគឺជាការវិនិយោគដ៏សំខាន់មួយ យើង និងប្រធានក្លឹបបានជឿជាក់លើគាត់ ហើយបានចំណាយប្រាក់យ៉ាងច្រើនសម្រាប់កីឡាករនេះ»។
«យើងជឿជាក់លើការលេងរបស់គាត់ មានភាពប្រសើរឡើងផ្នែករាងកាយ គាត់មានចក្ខុវិស័យរួចហើយ ហើយខ្ញុំគិតថាគាត់មានសមត្ថភាពក្នុងការលេងឱ្យគ្រូបង្វឹកផ្សេង ឬក្លឹបណាមួយ»៕
