អ្នកចាំទី Djordje Petrovic របស់ Chelsea ត្រូវបានអោយខ្ចីជើងទៅកាន់ក្លឹប RC Strasbourg នៅ Ligue 1។ កីឡាករជម្រើសជាតិស៊ែប៊ីវ័យ ២៤ឆ្នាំរូបនេះនឹងចំណាយពេលយុទ្ធនាការឆ្នាំ ២០២៤-២៥ នៅប្រទេសបារាំង ដោយបន្តការអភិវឌ្ឍន៍សមត្ថិភាពរបស់គាត់នៅក្នុង Ligue 1 ។
កីឡាករ Petrovic បានចូលរួមជាមួយ Chelsea កាលពីរដូវក្តៅមុនពីក្លឹប New England Revolution របស់ MLS ហើយបានអភិវឌ្ឍន៍ខ្លួនគាត់យ៉ាងឆាប់រហ័សជាជម្រើសដែលអាចទុកចិត្តបានសម្រាប់តំណែងអ្នកចាំទី។ ក្នុងរដូវកាលដំបូងរបស់គាត់នៅកីឡដ្ឋាន Stamford Bridge គាត់បានបង្ហាញខ្លួនចំនួន ៣១លើក រួមទាំងការចាប់ផ្តើមដ៏គួរឱ្យកត់សម្គាល់ក្នុងវគ្គផ្តាច់ព្រ័ត្រ Carabao Cup ដោយបង្ហាញពីសក្តានុពលរបស់គាត់នៅកម្រិតខ្ពស់បំផុត៕
