អតីតអ្នកចាត់ការក្រុមជម្រើសជាតិអង់គ្លេសទទួលមរណភាព

ដំណឹងដ៏ក្រៀមក្រំបំផុតនៅថ្ងៃនេះ! ខណៈដែលលោក Sven Göran Eriksson អតីតអ្នកចាត់ការក្រុមជម្រើសជាតិអង់គ្លេសអំឡុងឆ្នាំ 2001-2006 បានទទួលមរណភាពក្នុងជន្មាយុ 76ឆ្នាំ។

លោក Eriksson មាន​ជំងឺ​មហារីក​លំពែង ហើយ​គាត់​អាច​សម្រេច​ក្តី​សុបិន​ពេញ​មួយ​ជីវិត​នា​ពេល​ថ្មីៗ​នេះ​ក្នុង​ការ​ដឹកនាំក្រុម Liverpool Legends ក្នុងការប្រកួតសប្បុរសធម៌ជាមួយ Ajax នៅ Anfield កាលពីខែមីនា។

គាត់​បាន​ពណ៌នា​ពេល​នោះ​ថា​​«​ពិតជាអស្ចារ្យណាស់​» និង​ជា ​«​ការ​ចង​ចាំ​ដ៏​ធំ​មួយ​» ​ក្នុង​ជីវិត​របស់​គាត់ ដោយ Liverpool បាន​យក​ឈ្នះ​ក្នុង​លទ្ធផល 4-2៕