កីឡាករ Ivan Toney និយាយថាគាត់បាន «ត្រៀមខ្លួន» សម្រាប់ការផ្លាស់ប្តូរដ៏ធំមួយ ប្រសិនជាវាមកដល់ ប៉ុន្តែសម្រាប់ពេលនេះ គឺគាត់ផ្តោតទៅលើក្រុមជម្រើសជាតិអង់គ្លេស និងក្លឹប Brentford។
កីឡាករ Ivan Toney បាននិយាយប្រាប់ talkSPORT ថា៖ «ខ្ញុំជាកីឡាកររបស់ក្លឹប Brentford ។ ខ្ញុំនៅសល់កុងត្រាមួយឆ្នាំទៀត។ ការឈានទៅការប្រកួតដ៏សំខាន់ នោះគឺជាការផ្តោតសំខាន់របស់ខ្ញុំនៅពេលនេះ។ ប៉ុន្តែបនៅតែជាកីឡាកររបស់ក្លឹប Brentford។ វាពិតជាល្អដែលមានព័ត៌មានចចាមអារ៉ាមជាមួយនឹងក្លឹបផ្សេង។ ប៉ុន្តែខ្ញុំធ្លាប់មានព័ត៌មានចចាមអារ៉ាមនេះពីមុនមកហើយ។ គ្មានអ្វីត្រូវបានធ្វើរហូតដល់វារួចរាល់។ ដូចដែលខ្ញុំនិយាយ ខ្ញុំជាកីឡាកររបស់ Brentford ហើយខ្ញុំនឹងផ្តោតទៅលើការប្រកួតនៅ Brentford សម្រាប់រដូវកាលខាងមុខ។ នេះ គឺជាគោលដៅចំបង»។
នៅពេលដែលមានការចោទសួរ ទាក់ទងថាគាត់បានត្រៀមរួចរាល់ហើយ ឫនៅសម្រាប់ការផ្ទេរដ៏ធំ។ គាត់ក៏ឆ្លើយតបថា៖ «ប្រាកដណាស់ ប្រសិនជាវាមកដល់ ខ្ញុំបានត្រៀមខ្លួនរួចរាល់។ ប៉ុន្តែខ្ញុំត្រូវតែរក្សាការផ្តោតអារម្មណ៍ និងមិនយកចិត្តទុកដាក់ទៅលើរឿងផ្សេង និងសំឡេងរំខានផ្សេងៗមករំខានភាពល្អរបស់ខ្ញុំនោះទេ ហើយខ្ញុំគ្រាប់តែផ្តោតទៅលើក្លឹបរបស់ខ្ញុំ»៕
