គ្រូបង្វឹកក្រុម Benfica លោក Roger Schmidt បានច្រានចោលការចាកចេញពីក្លឹប Benfica ចំពេលមានការចាប់អារម្មណ៍ពីក្លឹប Bayern Munich ខណៈដែលពួកគេបានកំណត់ថាលោក Roger Schmidt ជាអ្នកជំនួសតំណែងលោក Thomas Tuchel ។
លោក Roger Schmidt បានប្រាប់ទៅកាន់អ្នកសារព័ត៌មានថា៖ «វាច្បាស់ណាស់សម្រាប់ខ្ញុំថា ខ្ញុំនឹងបន្តនៅ Benfica រហូតដល់ឆ្នាំ ២០២៦។ នោះហើយជាអ្វីដែលខ្ញុំចង់បាន។ នោះហើយជាមូលហេតុដែលខ្ញុំចុះហត្ថលេខាលើកិច្ចសន្យាថ្មី។ ខ្ញុំមិនស្ថិតនៅក្នុងទីផ្សារនោះទេ។ ខ្ញុំមានការងារនៅ Benfica ។ ក្នុងនាមជាគ្រូបង្វឹក ខ្ញុំក៏ត្រូវមើលឃើញពីការអភិវឌ្ឍ និងសក្ដានុពលសម្រាប់ឆ្នាំខាងមុខ ខ្ញុំគិតថារឿងជាច្រើនគឺល្អ»៕
