ក្លឹប Ajax នៅតែស្ថិតនៅក្នុងការស្វែងរកគ្រូបង្វឹកថ្មី បន្ទាប់ពីបានបញ្ឈប់លោក Maurice Steijn ក្នុងខែតុលា ឆ្នាំ២០២៣។ ហើយនៅពេលនេះលោក John van’t Schip បានដើរតួជាគ្រូបង្វឹកបណ្តោះអាសន្នចាប់តាំងពីពេលនោះមក ។
ក្លឹប Ajax បានចាញ់ក្លឹប Feyenoor កាលពីលើកមុន និងបានធ្លាក់ចេញពី Europa League ក្រោយចាញ់ក្លឹប Aston Villa ក្នុងលទ្ធផល ៤ទល់នឹង០។
បើយោងតាមការចេញផ្សាយរបស់ Sky Sports បានអោយដឹងថាអតីតគ្រូបង្វឹករបស់ក្លឹប Chelsea និង Brighton លោក Potter កំពុងក្លាយជាបេក្ខភាពនាំមុខគេក្នុងការទទួលយកតំណែងសម្រាប់ក្លឹបនៅទីក្រុង Amsterdam ។ ប្រភពដដែលបានបញ្ជាក់ថា លោក Potter មិនទាន់ទទួលបានការងារថ្មីនោះទេ ក្រោយគាត់ត្រូវបានបណ្តេញចេញពីទឹកដី Stamford Bridge កាលពីខែមេសា ឆ្នាំ២០២៣។
បុរសវ័យ ៤៨ឆ្នាំរូបនេះ ក៏បានស្ថិតនៅក្នុងបញ្ជីដែលក្លឹប Manchester United ចាប់អារម្មណ៍ចង់បានផងដែរ ខណៈពួកគេកំពុងតែមើលនៅការដឹកនាំរបស់លោក Erik ten Hag៕
