យោងតាមការចេញផ្សាយរបស់ Record បានអោយដឹងថាតារាឆ្នើម Viktor Gyokeres របស់ក្លឹប Sporting Lisbon បានស្ថិតនៅក្នុងបញ្ជីកីឡាករដែលក្លឹប Arsenal ចង់បាន ប៉ុន្តែក្លឹបកាំភ្លើងធំត្រូវចំណាយយ៉ាងតិច ១២០លានអឺរ៉ូសម្រាប់ខ្សែប្រយុទ្ធរូបនេះ។
ខាងក្លឹប Chelsea ក៏ចាប់អារម្មណ៍ទៅលើកីឡាករ Gyokeres អស់រយៈពេលជាយូរមកហើយ ប៉ុន្តែរបាយការណ៍ថ្មីៗនេះបានបង្ហាញថាក្លឹប Arsenal បាននាំមុខពីលើក្រុមតោខៀវ។ ក្លឹប Bayern Munich, Paris Saint-Germain និងក្លឹបកំពូលៗមួយចំនួនទៀតនៅអេស្ប៉ាញ និងអ៊ីតាលី ក៏កំពុងតាមដានទៅលើខ្សែប្រយុទ្ធវ័យក្មេងរូបនេះ ខណៈដែលគាត់មានតម្លៃតែ ១៧លានផោនប៉ុណ្ណោះ ពេលដែលផ្ទេរចេញពីក្លឹប Coventry ទៅកាន់ក្លឹប Sporting។
គួរបញ្ជាក់ថាគាត់ស៊ុតបញ្ចូលទីបាន ២២គ្រាប់ និងបញ្ជូនបាល់បាន ១០លើក ក្នុងការបង្ហាញខ្លួន ២៤ប្រកួតអោយក្លឹបក្នុងលីគនារដូវកាលនេះ៕
