កីឡាករ Christian Eriksen បានប្រាប់ទៅកាន់លោក Erik ten Hag ថាគាត់មិនសប្បាយចិត្តជាមួយស្ថានភាពឥលូវនេះ ដែលគាត់មិនមានពេលវេលាលេងគ្រប់គ្រាន់សម្រាប់ក្លឹប Manchester United នារដូវកាលនេះ។
ក្នុងការធ្វើបទសម្ភាស៍ជាមួយនឹង Tipsbladet កីឡាករសញ្ជាតិដាណឺម៉ាករូបនេះបាននិយាយថា៖ «ខ្ញុំបានពិភាក្សាជាមួយ Erik ten Hag អំពីការមិនសប្បាយចិត្តនៅពេលនេះ… ហើយចង់លេងឱ្យបានច្រើនតាមដែលអាចធ្វើទៅបាន»។
Eriksen បានបន្ថែមថា៖ «លោក Ten Hag ថា Kobbie Mainoo ធ្វើបានល្អ ហើយខ្សែបម្រើដែលនៅសល់ក៏ធ្វើបានល្អដែរ ដូច្នេះត្រូវមានការប្រកួតប្រជែង។ ពិតណាស់ អ្នកអាចព្រួយបារម្ភក្នុងរយៈពេលយូរ ព្រោះខ្ញុំចង់លេងឱ្យបានច្រើនតាមដែលអាចធ្វើទៅបាន។ ខ្ញុំមិនចង់អង្គុយលើកៅអីបម្រុងរហូតនោះទេ»៕
