បរទេស៖ Bellingham និង Haaland ជាមិត្តរួមក្រុមចាស់ការនៅក្លឹប Borussia Dortmund ដោយពួកគេបានលេងជាមួយគ្នា ២រដូវកាលមុននឹងបានបែកគ្នាដោយ Haaland មកចូលរួមជាមួយនឹងក្លឹប Manchester City កាលពីរដូវក្តៅឆ្នាំ២០២២ និង Bellingham មកចូលរួមជាមួយនឹងក្លឹប Real Madrid នៅរដូវក្តៅនេះ។ នេះបើយោងតាមការចេញផ្សាយរបស់ Cadena SER បានអោយដឹងថាកីឡាករ Bellingham សង្ឃឹមថានឹងរៀបចំការជួបជុំគ្នាឡើងវិញដោយបញ្ចុះបញ្ចូល Haaland ឱ្យចាកចេញពី City ទៅ Madrid ។
![GFX Info Erling Haaland Jude Bellingham](https://assets.goal.com/v3/assets/bltcc7a7ffd2fbf71f5/blt9c4d6ff19331ea2b/6521b53c8e3c27655c6939aa/GOAL_-_Multiple_Images_-_2_Split_-_Facebook_(22).png?auto=webp&format=pjpg&width=3840&quality=60)
អ្នកសារព័ត៌មាន Manu Carreno បាននិយាយនៅក្នុងវិទ្យុ El Larguero ថា៖ “អ្វីដែលខ្ញុំយល់នោះគឺថា Bellingham និង Haaland និយាយជាមួយគ្នាស្ទើរតែរៀងរាល់សប្តាហ៍។ Bellingham ទូរស័ព្ទទៅ Haaland ហើយប្រាប់គាត់ឱ្យមក Real Madrid ។ ពួកគេបានជួបគ្នារួចហើយកាលនៅក្លឹប Dortmund ហើយវាហាក់ដូចជា Haaland មិនចូលចិត្ត Manchester ខ្លាំងនោះទេ”។
ក្លឹប Real Madrid ធ្លាប់ចង់ធ្វើការចុះហត្ថលេខាយកកីឡាករ Haaland កាលពីឆ្នាំ២០២២ មុនពេលដែលគាត់ជ្រើសរើសការទៅចូលរួមជាមួយនឹង Man City ដែលជាកន្លែងឪពុករបស់គាត់ធ្លាប់ប្រកបអាជីព។ គាត់បានមកទស្សនកិច្ចនៅ Santiago Bernabeu ជាមួយនឹងភ្នាក់ងាររបស់គាត់ គឺលោក Rafaela Pimenta និងឪពុករបស់គាត់ ប៉ុន្តែនៅពេលនោះគាត់នៅពេលនោះមានការព្រួយបារម្ភថាគាត់នឹងត្រូវប្រជែងយកកៅអីដំបូងជាមួយ Karim Benzema ដែលកាលនោះគាត់នៅជាកីឡាករ Madrid ។ គាត់បានទទួលជោគជ័យយ៉ាងត្រចះត្រចង់នៅ Man City ដោយបានឈ្នះពានរង្វាន់បីក្នុងនៅក្នុងឆ្នាំដំបូង និងស៊ុតបញ្ចូលទីបំបែកកំណត់ត្រា ៣៦ គ្រាប់នៅ Premier League កាលពីរដូវកាលមុន។
![Paper Talk: Liverpool plot £90m transfer as Haaland deal masks true prize](https://images.ps-aws.com/c?url=https%3A%2F%2Fimages.teamtalk.com%2Fcontent%2Fuploads%2F2021%2F09%2F12073711%2Fborussia-dortmund-pair-erling-haaland-and-jude-bellingham-2021.jpg)
ដូចទៅនឹង Haaland ដែរ កីឡាករ Bellingham ក៏ទទួលបានជោគជ័យនៅក្នុងរដូវកាលដែលគាត់បានចាកចេញពីក្លឹប Dortmund ដោយស៊ុតបញ្ចូលទីបាន ១៧គ្រាប់ ក្នុងការបង្ហាញខ្លួន ២៣ដង ដែលស្មើទៅនឹងកំណត់ត្រារបស់ Cristiano Ronaldo៕