បរទេស៖ កីឡាករខ្សែបម្រើ Jordan Henderson បានបង្ហាញយ៉ាងច្បាស់ថាគាត់ចង់វិលត្រលប់មកកាន់តំបន់អឺរ៉ុបវិញ ហើយក្លឹបយក្សនៅហូឡង់ Ajax បានផ្តល់នៅសំណើរដល់គាត់ក្នុងការចាកចេញពីអារ៉ាប៊ីសាអូឌីត។ ហេតុការណ៍នេះកើតឡើងត្រឹមតែ ៦ខែប៉ុណ្ណោះបន្ទាប់ពី Henderson ត្រូវបានទាក់ទាញឱ្យចាកចេញពីក្លឹប Liverpool ដោយកិច្ចព្រមព្រៀងដ៏គួរឱ្យភ្ញាក់ផ្អើលមួយនៅប្រាក់ឈ្នួល ៧សែនផោនក្នុងមួយសប្តាហ៍ដែលផ្តល់ដោយក្លឹប Al-Ettifaq ។
នេះបើយោងតាមការចេញផ្សាយរបស់សារព័ត៌មាន The Mirror បានអោយដឹងថាទោះបីជាមានការខំប្រឹងនៅចុងម៉ោងពីសំណាក់ក្លឹប Juventus ក្នុងការផ្ទេរយក Henderson ក៏ដោយ ក៏ក្លឹប Ajax ជឿជាក់ថាពួកគេជិតនឹងទទួលបាននៅកីឡាកររូបនេះហើយ ហើយពួកគេចង់ឱ្យកីឡាករវ័យ ៣៣ ឆ្នាំរូបនេះជួយពួកគេឱ្យរួចផុតពីរដូវកាលដ៏អាក្រក់៕
