ក្លឹប Manchester City ជិតឈានដល់កិច្ចព្រមព្រៀងមួយ ដើម្បីចុះហត្ថលេខាលើកីឡាករវ័យក្មេង Claudio Echeverri ពី River Plate នេះបើយោងតាម 90 Min។
កីឡាករវ័យ 17 ឆ្នាំបានទាក់ទាញចំណាប់អារម្មណ៍ពីក្លឹបកំពូលមួយចំនួនរបស់អឺរ៉ុប ចាប់តាំងពីបានចូលរួមជាមួយក្រុម River Plate ជាលើកដំបូងក្នុងឆ្នាំ 2023 ដោយបានបង្ហាញខ្លួនចំនួន 6 ដងក្នុងការប្រកួតទាំងអស់ ខណៈដែលក្លឹបយក្សអាហ្សង់ទីនបានឈ្នះទាំងពានរង្វាន់ Argentine Primera Division និង Trofeo de Campeones។
ខ្សែបម្រើប្រយុទ្ធរូបនេះ ទាក់ទាញការចាប់អារម្មណ៍យ៉ាងខ្លាំងនៅក្នុងការប្រកួត U-17 FIFA World Cup ថ្មីៗនេះ ដោយស៊ុតបញ្ចូលទីបាន Hat-trick ក្នុងជ័យជម្នះលើគូប្រជែងប្រេស៊ីលក្នុងវគ្គ 8 ក្រុមចុងក្រោយ។
សារព័ត៌មាន 90min បានរាយការណ៍នៅដើមខែធ្នូថាទាំង Man City និង Chelsea បានបង្ហាញចំណាប់អារម្មណ៍យ៉ាងខ្លាំងក្នុងការចុះហត្ថលេខាលើ Echeverri ហើយកីឡាកររូបនេះ បច្ចុប្បន្នជិតឈានដល់ការបញ្ចប់កិច្ចព្រមព្រៀងមួយ បន្ទាប់ពីការពិភាក្សារីកចម្រើនក្នុងប៉ុន្មានសប្តាហ៍ថ្មីៗនេះ៕
