លោក Mauricio Pochettino បានសារភាពថាគាត់មិនអាចបញ្ជាក់ពីពេលវេលាព្យាបាលរបួសអ្នកចាំទី Chelsea កីឡាករ Robert Sanchez បានទេ។ Sanchez បានរក្សា Clean Sheet ចំនួន 5 ដងក្នុងការបង្ហាញខ្លួន 19 លើក។
លោក Pochettino មិនដឹងថាតើកីឡាករវ័យ 26 ឆ្នាំនឹងអវត្តមានរយៈពេលប៉ុន្មាននោះទេ គាត់បាននិយាយនៅក្នុងសន្និសីទសារព័ត៌មានមុនការប្រកួត Carabao Cup ថា៖ «វាគឺជារបួសដែលគ្មានរយៈពេលកំណត់។ យើងនឹងវាយតម្លៃពីមួយថ្ងៃទៅមួយថ្ងៃ ដើម្បីដឹងពីរស្ថានភាពរបស់គាត់។ ការជាសះស្បើយវាអាស្រ័យលើគាត់ ហើយវាពិបាកក្នុងការនិយាយថាពេលណា ប៉ុន្តែយើងសង្ឃឹមថា គាត់ត្រលប់មកវិញឱ្យបានឆាប់តាមដែលអាចធ្វើទៅបាន»។
គួបញ្ជាក់ផងដែរ អ្នកចាំទីរូបនេះអាចខកខានក្នុងការប្រកួត Premier League ជាមួយ Wolves, Crystal Palace, Luton, Fulham និង Liverpool ក៏ដូចជាការប្រកួត FA Cup ជាមួយ Preston៕
