ក្លឹប Arsenal បានកំណត់គោលដៅផ្ទេរកីឡាករ Douglas Luiz ក្នុងខែមករា ប៉ុន្តែត្រូវប្រឈមមុខនឹងការប្រកួតប្រជែងខ្លាំងពី Manchester City។
ក្រុមរបស់លោក Pep Guardiola បានធ្លាក់ចុះពីការរំពឹងទុកជាខ្លាំងនៅក្នុងរដូវកាលនេះ ហើយប្រហែលជាសម្លឹងមើលការដោះដូកីឡាករ ដើម្បីពង្រឹងការការពារពានរបស់ពួកគេ។
ក្រុមកាំភ្លើងធំបានត្រលប់មកឈរនៅកំពូលតារាង Premier League វិញកាលពីចុងសប្តាហ៍ ហើយមានការចាប់អារម្មណ៍ជាយូរមកលើខ្សែបម្រើ Luiz វ័យ 25 ឆ្នាំរបស់ Aston Villa។
យោងតាមគេហទំព័រ Football Insider លោក Mikel Arteta មានឆន្ទៈក្នុងការបំពេញតាមតម្លៃ 100 លានផោនដែលកំណត់ដោយក្លឹប ប៉ុន្តែការទទួលយកកិច្ចព្រមព្រៀងមួយនៅពាក់កណ្តាលរដូវកាលនេះកំពុងស្ថិតក្នុងការពិចារណា។
របាយការណ៍ក៏បានណែនាំផងដែរ Villa នឹងលុបចោលការប៉ុនប៉ងណាមួយ ដើម្បីតាមប្រមាញ់តារាប្រេស៊ីលរបស់ពួកគេនៅខែក្រោយ ខណៈដែលពួកគេសម្លឹងរកការប្រជែងដណ្តើមពានលីគ។
ក្រោមការដឹកនាំរបស់លោក Unai Emery ក្នុងរដូវកាលនេះ Luiz បានស៊ុតបញ្ចូលទីបាន 5 គ្រាប់ និងបញ្ជូនបាល់ឱ្យមិត្តរួមក្រុមចំនួន 2 ដងនៅក្នុងលីក ហើយត្រូវបានចាត់ទុកថាជាកីឡាករដ៏ឆ្នើមនៅ Villa Park៕
