គ្រូបង្វឹកក្រុម Manchester United លោក Erik ten Hag បានរិះគន់ចំពោះកីឡាករនៅតំបន់ខ្សែប្រយុទ្ធក្នុងក្រុមរបស់គាត់ បន្ទាប់ពីពួកគេស្មើជាមួយក្រុម Liverpool។ បិសាចក្រហមបានចាកចេញពីកីឡដ្ឋាន Anfield ដោយទទួលបានមួយពិន្ទុ បន្ទាប់ពីមានការប្រកួតប្រជែងយ៉ាងខ្លាំង។
មានមនុស្សតិចណាស់ដែលរំពឹងថា Man United អាចបញ្ចប់ជាមួយលទ្ធផល 0-0 ជាពិសេសបន្ទាប់ពីចាញ់ 7-0 នៅ Anfield កាលពីរដូវកាលមុន។ Man Utd មានឱកាសពីរដងល្អបំផុតសម្រាប់ Alejandro Garnacho និង Rasmus Hojlund ប៉ុន្តែពួកគេបានខ្ជះខ្ជាយឱកាស។ ហើយទោះបីជា Ten Hag សប្បាយចិត្តជាមួយនឹងការបង្ហាញទម្រង់លេងរបស់ក្រុមគាត់ក៏ដោយ ក៏គាត់មានអារម្មណ៍ខឹងជាមួយខ្សែប្រយុទ្ធ។
Ten Hag បាននិយាយថា៖ «ទម្រង់លេងគឺល្អណាស់ ហើយផែនការការប្រកួតដំណើរការបានល្អ។ កីឡាករយើងពិតជាអស្ចារ្យណាស់។ ការរិះគន់តែមួយគត់ដែលយើងនឹងនិយាយគឺការបញ្ចប់ទី យើងអាចឈ្នះការប្រកួតនេះ តាមឱកាសពីរដងដែលយើងមាន»៕
