លោក Mikel Arteta បានរួចផុតពីការពិន័យ បន្ទាប់ពីរងការចោទប្រកាន់ពីសមាគមបាល់ទាត់ ក្រោយពីអ្នកចាត់ការទូទៅក្រុម Arsenal បានរិះគន់ទៅលើស្តង់ដារអាជ្ញាកណ្តាល។
គ្រូបង្វឹកសញ្ជាតិអេស្ប៉ាញ បានចាត់ទុកការសម្រេចចិត្តការផ្ដល់គ្រាប់បាល់អោយ Anthony Gordon នៅក្នុងការបរាជ័យ 1-0 ជាមួយ Newcastle ក្នុងក្របខ័ណ្ឌ Premier League កាលពីថ្ងៃទី 4 ខែវិច្ឆិកា ថាជារឿងដែលមិនអាចទទួលយកបាន។
Arteta ត្រូវបានចោទប្រកាន់ដោយ FA សម្រាប់ការបំពានច្បាប់ E3.1 ដែលអាចបណ្តាលឱ្យមានការពិន័យ ប៉ុន្តែពេលនេះការចោទប្រកាន់ត្រូវបានលុបចោល។
សេចក្តីថ្លែងការណ៍របស់ FA បានបញ្ជាក់ថា៖ «គណៈកម្មការនិយតកម្មឯករាជ្យ បានយល់ច្រឡំចំពោះការចោទប្រកាន់ប្រឆាំងនឹង Mikel Arteta សម្រាប់ការរំលោភលើច្បាប់ FA Rule E3.1»។ អ្នកគ្រប់គ្រងរូបនេះត្រូវបានចោទប្រកាន់ បន្ទាប់ពីមានការអត្ថាធិប្បាយផ្សេងៗ នៅក្នុងបទសម្ភាសន៍ជាមួយប្រព័ន្ធផ្សព្វផ្សាយបន្ទាប់ពីការប្រកួត Premier League របស់ Arsenal ជាមួយ Newcastle United នៅថ្ងៃសៅរ៍ទី 4 ខែវិច្ឆិកា។
ចាប់តាំងពីពេលនោះមក Arteta បាននិយាយថាគាត់នឹងបន្តនិយាយប្រឆាំងនឹងមន្ត្រីដែលធ្វើការមិនបានល្អ និងការប្រើប្រាស់ VAR ប្រសិនបើគាត់ឃើញថាមិនបានបំពេញតាមថាស្តង់ដារ៕
