លោក Jurgen Klopp បានសារភាពថា គាត់មិនដែលឃើញប្រភេទនៃរបួសជង្គង់របស់កីឡាករ Alexis Mac Allister ក្នុងជ័យជម្នះថ្មីៗនេះរបស់ Liverpool លើក្រុម Sheffield United ។
ម្ចាស់ជើងឯក World Cup 2023 មានបញ្ហាជង្គង់នៅកីឡដ្ឋាន Bramall Lane ហើយបានខកខានការប្រកួតចុងក្រោយទល់នឹងក្រុម Crystal Palace កាលពីថ្ងៃសៅរ៍។ Mac Allister ក៏មិនបានធ្វើដំណើរទៅប្រទេសបែលហ្សិក សម្រាប់ការប្រកួតវគ្គចែកពូល Europa League ចុងក្រោយរបស់ Liverpool ទល់នឹង Union Saint-Gilloise ហើយទំនងជាមិនបានចូលរួមក្នុងប្រកួតទល់នឹង Manchester United នៅថ្ងៃអាទិត្យនេះ។
លោក Klopp បានប្រាប់អ្នកយកព័ត៌មានអំពីបញ្ហារបស់ Mac Allister ថា៖ «វាមិនដូចជាអ្វីដែលយើងគិតនៅពេលដំបូងទេ។ ជង្គង់គាត់មានបញ្ហាធ្ងន់ធ្ងរណាស់ដែលបានប៉ះពាល់ដល់សាច់ដុំ។ ឥឡូវនេះ យើងត្រូវរង់ចាំរហូតដល់ឆ្អឹងគាត់បានជាសះស្បើយ រហូតដល់គាត់ឈប់ឈឺចាប់។ ខ្ញុំមិនដែលធ្លាប់ឃើញកីឡាករណារបួសបែបនេះទេ ចាប់តាំងពីខ្ញុំដឹកនាំពីមុនមកទេ ប៉ុន្តែឥឡូវនេះយើងជួបហើយ វាអាក្រក់ណាស់»៕
