កីឡាករ Pedri បានក្លាយជាផ្នែកសំខាន់នៃតំបន់បម្រើរបស់ Barcelona ចាប់តាំងពីការផ្ទេរពី Las Palmas ក្នុងឆ្នាំ 2020 ។
Barcelona បានផ្លាស់ប្តូរយ៉ាងឆាប់រហ័ស ដើម្បីទទួលបានកិច្ចព្រមព្រៀងមួយសម្រាប់កីឡាករដែលកើតនៅ Tenerife បន្ទាប់ពីបានឃើញការកើនឡើងរបស់គាត់ តាមរយៈចំណាត់ថ្នាក់យុវជននៅក្នុង Las Palmas និងបានបង្ហាញខ្លួនជាមួយក្រុមដំបូងរបស់គាត់នៅឆ្នាំ 2019។ មួយខែបន្ទាប់ពីការបង្ហាញខ្លួនឲ្យក្រុមដំបូង Las Palmas បានយល់ព្រមលើកិច្ចព្រមព្រៀងជាមួយក្រុម Barcelona ដើម្បីចុះហត្ថលេខានាំយក Pedri ទៅកាន់ទឹកដី Camp Nou សម្រាប់រដូវកាល 2020/21។
សមត្ថភាពរបស់គាត់កំពុងតែរីកចម្រើនទៅជាកីឡាករដ៏សំខាន់សម្រាប់ក្លឹប និងប្រទេស ហើយប្រសិនបើគាត់មិនមានរបួស គាត់អាចនឹងក្លាយជាវិរៈបុរសក្លឹប។ ការផ្ទេររស់គាត់ទៅ Barcelona អាចបង្ហាញថា ជាការចរចាដ៏ធំបំផុតមួយនៅក្នុងប្រវត្តិសាស្ត្រ La Liga សម្រាប់កីឡាករវ័យក្មេង។
ឥឡូវនេះប្រធានក្លឹប Las Palmas លោក Miguel Angel Ramirez បានបញ្ជាក់ពីតម្លៃដែលបញ្ចប់កិច្ចព្រមព្រៀងនេះដោយនិយាយថា៖ «គាត់មានតម្លៃលើសពី 20 លានអឺរ៉ូ។ ខ្ញុំមិនអាចផ្តល់ព័ត៌មានលម្អិតបានទេ។ ខ្ញុំចាំថាមានកិច្ចសន្យាចំនួនប្រាំ នៅពេលដែល Barcelona បានចុះហត្ថលេខាលើគាត់ ខណៈពេលនោះព័ត៌មានបានចុះផ្សាយថាយើងទទួលបានចំនួន 5 លានអឺរ៉ូ សម្រាប់ការផ្ទេរពិតប្រាកដរបស់ Pedri ទៅកាន់ Barcelona មានចន្លោះពី 20-25 លានអឺរ៉ូ»៕
