បរទេស៖ កីឡាករ Andrey Santos អាចនឹងត្រូវក្លឹប Chelsea ធ្វើការកោះហៅត្រលប់មកពីការខ្ចីជើងនៅក្លឹប Nottingham Forest វិញ នៅខែមករា។
ក្លឹប Chelsea បានវាយតម្លៃខ្ពស់ទៅលើខ្សែបម្រើវ័យ ១៩ឆ្នាំរូបនេះ ហើយមានការខកចិត្តក្រោយគាត់ទើបតែលេងបានតែ ៧នាទីនៅក្របខណ្ឌ Premier ក្រោយផ្ទេរក្នុងលក្ខខណ្ឌខ្ចីជើងទៅកាន់ក្លឹប Forest ដោយការលេងនោះ គឺស្ថិននៅក្នុងពានរង្វាន់ Carabao Cup។
ដូច្នេះខាងក្លឹបតោខៀវអាចនឹងបញ្ចប់នៅកុងត្រាខ្ចីជើងនេះ ដោយសារតែកីឡាករ Santos មិនមានការបង្ហាញខ្លួនគ្រប់គ្រាន់នាខាងមករាខាងមុខ។
កីឡាករ Santos អាចនឹងត្រលប់មកកាន់ក្លឹប Chelsea ខណៈក្លឹបមានការប្រជែងនៅតំបន់បម្រើយ៉ាងច្រើនពីកីឡាករ Moises Caicedo, Enzo Fernandez, Conor Gallagher, Romeo Lavia និង Lesley Ugochukwu៕
