លោក Antonio Conte បាននិយាយថា ទំនាក់ទំនងរបស់គាត់ជាមួយ Juventus គឺមានភាពជិតស្និត ដោយបន្ថែមថាឱកាសនៃការត្រលប់មកវិញតែងតែមាន។
ខណៈពេលដែលគាត់សម្រាកលោក Conte បានប្រឈមមុខនឹងសំណួរអំពីការវិលត្រឡប់ទៅកាន់ការបង្វឹកនៅ Serie A។ គាត់បានបញ្ជាក់ថា បច្ចុប្បន្នគាត់កំពុងរីករាយនឹងការចំណាយពេលនៅផ្ទះជាមួយគ្រួសាររបស់គាត់ ប៉ុន្តែគាត់បានប្រាប់ថា គាត់អាចនឹងត្រលប់ទៅធ្វើការវិញប្រសិនបើមានឱកាស។
លោក Conte បាននិយាយថា៖ «វាតែងតែមានលទ្ធភាពនៃការត្រលប់មកវិញ។ អ្វីដែលសំខាន់ គឺត្រូវមានការយល់ដឹង។ នៅពេលនេះ ខ្ញុំរីករាយនឹងពេលទំនេរដែលខ្ញុំមាន តែខ្ញុំនៅតែបន្តការសិក្សា និងពង្រីកការយល់ដឹងរបស់ខ្ញុំ។ សម្រាប់ពេលនេះ ខ្ញុំរីករាយនឹងការចំណាយពេលជាមួយក្រុមគ្រួសារ ខ្ញុំមានបំណងចង់សម្រាក។ អ្វីៗតែងតែផ្លាស់ប្តូរ ប៉ុន្តែបច្ចុប្បន្ននេះ ខ្ញុំកំពុងរីករាយនឹងបរិយាកាសរបស់ខ្ញុំ និងអ្វីដែលនៅជុំវិញខ្លួនរបស់ខ្ញុំ»។
គួបញ្ជាក់ផងដែរ Conte បានអត់ការងារធ្វើ ចាប់តាំងពីការចាកចេញពីក្រុម Tottenham កាលពីខែមីនា៕
