ក្លឹបធំដល់ទៅ៥ ចេញមកប្រជែងគ្នាយកកីឡាករម្នាក់នេះ

បរទេស៖ នេះបើយោងតាមការចេញផ្សាយរបស់ ESPN បានអយោដឹងថាក្លឹប Chelsea បានចូលខ្លួនក្នុងការប្រជែងចុះហត្ថលេខាយកខ្សែប្រយុទ្ធស្លាប Khvicha Kvaratskhelia។

មានក្លឹបធំៗនៅតំបន់អឺរ៉ុបជាច្រើនដូចជា Manchester City, Real Madrid, Barcelona និង Newcastle United ដែលបង្ហាញការចាប់អារម្មណ៍ទៅលើកីឡាករ Kvaratskhelia។ ការខិតខំប្រឹងប្រែងនេះស្របតាមយុទ្ធសាស្ត្ររបស់ Chelsea ក្នុងការកំណត់គោលដៅយុវជនដែលមានសក្តានុពលយ៉ាងសំខាន់ ដោយសង្កត់ធ្ងន់លើការប្តេជ្ញាចិត្តក្នុងការកសាងសម្រាប់អនាគត។

ទោះបីជាមានការចាប់អារម្មណ៍ខ្លាំងក៏ដោយ ក៏ក្លឹប Napoli នៅតែរក្សាជំហររឹងមាំក្នុងការបដិសេធនៅរាល់សំណើរទាំងអស់ ខណៈដែល Kvaratskhelia នៅតែស្ថិតក្រោមកិច្ចសន្យារហូតដល់ឆ្នាំ ២០២៧ ហើយការពិភាក្សាដែលកំពុងបន្តបង្ហាញពីវឌ្ឍនភាពវិជ្ជមានឆ្ពោះទៅកាន់កិច្ចសន្យាថ្មីជាមួយនឹងលក្ខខណ្ឌប្រសើរឡើង៕