ខ្សែបម្រើ Toni Kroos របស់ក្លឹប Real Madrid អាចធ្វើដំណើរទៅកាន់ក្របខ័ណ្ឌ Premier League ដើម្បីបញ្ចប់អាជីពរបស់គាត់ នេះបើយោងតាមការចេញផ្សាយកាសែត The Daily Star ។
កីឡាករវ័យ 33 ឆ្នាំរូបនេះបានចូលរួមជាមួយក្លឹប Real Madrid ពីក្លឹប Bayern Munich ក្នុងឆ្នាំ 2014 ហើយបានឈ្នះពានរង្វាន់ Champions League 4 ដង និង LaLiga បីដងក្នុងអំឡុងពេលដែលគាត់នៅអេស្ប៉ាញ។ ទោះបីជាយ៉ាងណាក៏ដោយ គាត់នៅតែជាតួអង្គសំខាន់កាលពីរដូវកាលមុន ប៉ុន្តែក្រោយការមកដល់របស់ Jude Bellingham ត្រូវគេមើលឃើញថាគាត់បានបង្ហាញខ្លួន 6 លើកក្នុងចំណោម 12 ប្រកួត។
របាយការណ៍ខាងលើបានអះអាងថា Manchester United, Manchester City, Newcastle និង Chelsea សុទ្ធតែមានឆន្ទៈ ក្នុងការផ្តល់ជូនកិច្ចសន្យាដល់កីឡាករជម្រើសជាតិអាល្លឺម៉ង់រូបនេះ ប៉ុន្តែ Kroos ធ្លាប់បានអះអាងថាគាត់នឹងចូលនិវត្តន៍នៅ Madrid ។
គាត់បាននិយាយកាលពីឆ្នាំមុនថា៖ «ខ្ញុំតែងតែនិយាយថាខ្ញុំនឹងមិនទៅណាទេ។ ខ្ញុំនឹងមិនផ្លាស់ប្តូរក្លឹបទេ ខ្ញុំនឹងចូលនិវត្តន៍នៅទីនេះ រឿងតែមួយគត់ដែលខ្ញុំមិនដឹងគឺ នៅពេលណាដែលខ្ញុំត្រូវចូលនិវត្តន៍ ពេលនេះខ្ញុំមិនដឹងថាខ្ញុំគិតយ៉ាងណាទេ ប៉ុន្តែក្លឹប និងខ្ញុំស្ងប់ស្ងាត់។ យើងអាចនឹងនិយាយនៅខែ មករា កុម្ភៈ ឬអាចជាខែមីនា»៕
