លោក Roy Keane បានជំរុញឱ្យគ្រូបង្វឹកក្រុម Manchester United លោក Erik ten Hag ដកតំណែងប្រធានក្រុមពី Bruno Fernandes បន្ទាប់ពីបរាជ័យក្នុងលទ្ធផល 3-0 កាលពីថ្ងៃអាទិត្យក្រោមថ្វីជើងក្រុមគូប្រជែង Manchester City ។
បិសាចក្រហមបានចាញ់ក្នុងការប្រកួត Manchester Derby ដោយ Erling Haaland ស៊ុតបញ្ចូលទីបានពីរគ្រាប់ ហើយ Phil Foden បន្ថែមមួយគ្រាប់ទៀត បានធ្វើអោយក្រុម Man United ចាញ់ជាលើកទីប្រាំក្នុងក្របខណ្ឌ Premier League ក្នុងរដូវកាលនេះ។
ជាមួយនឹងយុទ្ធនាការដ៏លំបាក ក្រុមបិសាចក្រហមបានធ្លាក់ចុះដល់កម្រិតទាបមួយផ្សេងទៀត អតីតប្រធានក្រុមលោក Keane បានលើកឡើងថា ការផ្លាស់ប្តូរប្រធានក្រុមនឹងក្លាយជាជំហានដំបូងសម្រាប់ Ten Hag ដើម្បីដោះស្រាយបញ្ហារបស់ពួកគេ។ កីឡាករសញ្ជាតិព័រទុយហ្គាល់រូបនេះ បានត្រឹមតែកាន់តំណែងជាប្រធានក្រុមក្នុងរដូវក្តៅប៉ុណ្ណោះ។
Roy Keane ម្ចាស់ជើងឯក Premier League ប្រាំសម័យកាលបានប្រាប់ Sky Sports ថា៖ «បន្ទាប់ពីថ្ងៃនេះ រឿងដំបូងដែលត្រូវធ្វើគឺដកតំណែងប្រធានក្រុមចេញពី Fernandes ហើយមានតែអ្នកគ្រប់គ្រងប៉ុណ្ណោះដែលមានសមត្ថភាពធ្វើរឿងនេះ»៕
