នេះបើយោងតាមរបាយការណ៍ Metro បានអោយដឹងថាក្រុម Inter Milan កំពុងសម្លឹងមើលការផ្លាស់ប្តូរនៅខែមករាសម្រាប់ខ្សែប្រយុទ្ធ Armando Broja របស់ Chelsea ។
កីឡាករសញ្ជាតិអាល់បានី ដែលបានឆ្លងកាត់ហ្វឹកហាត់ជាយុវជនថ្នាលរបស់ Chelsea ហើយថ្មីៗនេះ Broja បានត្រូវទទួលនាទីជំនួសកីឡាករ Nicolas Jackson ក្នុងជម្រើសដំបូង 11 បន្ទាប់ពីតារាសេណេហ្គាល់រូបនេះអវត្តមាន។
Broja ទើបតែបានត្រលប់មកពីរបួស ហើយត្រូវបានចាប់ផ្តើមប្រកួតជាមួយក្រុម Fulham កាលពីសប្តាហ៍មុន ខណៈដែលគាត់បានរកគ្រាប់បាល់បញ្ចូលទីក្នុងជ័យជម្នះ 2-0 ។
យោងតាមសារព័ត៌មានអ៊ីតាលី La Gazzetta dello Sport បានអោយដឹងថាក្លឹបយក្ស Serie A Inter កំពុងពិចារណាលើការនាំយក Broja ក្នុងខែមករា ហើយត្រូវបានគេជឿជាក់ថា Chelsea នឹងដាក់ការដេញថ្លៃមួយលើកីឡាករវ័យ 22 ឆ្នាំ ។
ពួកគេអះអាងថាកិច្ចព្រមព្រៀងខ្ចីជើងអាចដំណើរការបានសម្រាប់ក្លឹបទាំងពីរ ហើយទំនាក់ទំនងរវាង Chelsea និង Inter នៅតែរឹងមាំ បើទោះបីជា Romelu Lukaku បរាជ័យក្នុងការផ្លាស់ប្តូរទៅកាន់ក្រុមអ៊ីតាលីជាអចិន្រៃ្តយ៍នៅរដូវក្តៅនេះក៏ដោយ។
ក្នុងសនិ្នសិទសារព័ត៌មាន Pochettino បានសរសើរ Broja កាលពីសប្តាហ៍មុនដោយនិយាយថា៖ «នៅពេលនេះកីឡាករចាប់ផ្តើមមានអារម្មណ៍នៅក្នុងវគ្គហ្វឹកហាត់ អ្នកអាចមានអារម្មណ៍ថាមានសក្តានុពល។ Broja មានសក្ដានុពលដ៏អស្ចារ្យ ឥឡូវនេះវាជារបៀបដែលគាត់ជាសះស្បើយពីរយៈពេលយូរដែលគាត់នៅក្រៅ។ គាត់ជាកីឡាករដែលមានទេពកោសល្យណាស់ យើងជឿជាក់លើគាត់។ ឥឡូវនេះគាត់ត្រូវការពេលវេលា ។ ពេលខ្លះរបួសយូរក៏ប៉ះពាល់ដល់ផ្លូវចិត្តរបស់គាត់ដែរ។ គាត់មានអារម្មណ៍ល្អ ជាវិធីល្អគាត់កំពុងធ្វើការយ៉ាងខ្លាំង ហើយខ្ញុំសង្ឃឹមថាគាត់អាចនឹងមានភាពប្រសើរឡើង នៅប៉ុន្មានសប្តាហ៍ខាងមុខ ហើយក្លាយជាកីឡាករដែលយើងពិតជាទុកចិត្ត»៕
