គ្រូបង្វឹកក្រុម Liverpool លោក Jurgen Klopp បានបដិសេធមិនរិះគន់ចំពោះ VAR ដែលមិនផ្ដល់កាតក្រហមសម្រាប់ Pascal Gross របស់ Brighton ដែលបាន បង្កើតកំហុសនៅក្នុងតំបន់គ្រោះថ្នាក់លើកីឡាករ Dominik Szoboszlai។
មានការស្នើរសុំឱ្យបណ្តេញ Gross ចេញបន្ទាប់ពីមានការរារាំងកីឡាករ Szoboszlai ស៊ុតបញ្ចូលទី ប៉ុន្តែអាជ្ញាកណ្ដាលមិនបានបណ្តេញចេញនោះទេ។
មានការជជែកគ្នាបានកើតមួយសប្តាហ៍បន្ទាប់ពី Liverpool គឺជាជនរងគ្រោះនៃ VAR សម្រាប់គ្រាប់បាល់របស់ Luis Diaz ដែល VAR បញ្ជាក់ថាគាត់ offside ខណៈដែលខ្សែបន្ទាត់ VAR ឃើញថាគាត់គ្មានកំហុសនោះទេ។ ស្ថាប័នអាជ្ញាកណ្តាល PGMOL ក៏បានទទួលស្កាល់ថា នោះគឺជាកំហុសរបស់មនុស្ស។ ក្រោយមកបញ្ចេញនូវខ្សែអាត់សំឡេងនៃការសន្ទនា ដែលបានកើតឡើងជុំវិញការសម្រេចចិត្តនោះ ហើយឧប្បត្តិហេតុនេះបានជំរុញឱ្យមានការមិនពេញចិត្តសម្រាប់បច្ចេកវិទ្យា VAR ។
ទោះបីជាមានបញ្ហារជាមួយនឹង Brighton ក៏ដោយ Klopp បានបដិសេធមិននិយាយអ្វីទាក់ទងនឹងរឿងរបស់ VAR ។ គាត់បាននិយាយនៅក្នុងសន្និសីទសារព័ត៌មានមួយថា៖ «ខ្ញុំបានឃើញថាវាជាបាល់ពិន័យ ហើយមិនបានគិតពីរការផ្ដល់កាតក្រហមទេ ប៉ុន្តែខ្ញុំឃើញថាវាជាឱកាសស៊ុតបញ្ចូលទី។ ខ្ញុំបានត្រឹមតែឈរមើល តើខ្ញុំអាចនិយាយយ៉ាងណាអំពីរឿងនោះ0x017d7 បើទោះបីខ្ញុំនិយាយក៏វាមិនមានអ្វីផ្លាស់ប្ដូរដែរ»៕
