គ្រូបង្វឹកក្រុមមាន់ខ្នាយមាស លោក Ange Postecoglou សារភាពថាគាត់សប្បាយចិត្តក្នុងការដក VAR ចេញ បន្ទាប់ពីមានភាពចម្រូងចម្រាសពីការឈ្នះរបស់ Tottenham លើ Liverpool ។
កីឡាករ Luis Diaz មានគ្រាប់បាល់ ប៉ុន្តែត្រូវបានច្រានចោលសម្រាប់ offside កាលពីចុងសប្តាហ៍មុន បន្ទាប់ពី VAR ធ្វើឲ្យមានកំហុសក្នុងការសម្រេចចិត្ត ដោយ Liverpool បានចាញ់ក្នុងលទ្ធផល 2-1 ។
គណកម្មការអាជ្ញាកណ្ដាល (PGMOL) បានទទួលស្គាល់ថា នេះគឺជាកំហុសរបស់មនុស្ស ហើយក្រោយមកបានបញ្ចេញសំឡេងចេញពីការសន្ទានរវាងបន្ទប់មន្ត្រី VAR និងមន្រី្តនៅលើទីលាន ដែលបញ្ជាក់ថា នេះគឺជាកំហុស ហើយក៏សម្រេចចិត្តផ្អាកការងារមន្ត្រីអាជ្ញាកណ្ដាល។
គ្រូបង្វឹកក្រុមហង្សក្រហមលោក Jurgen Klopp មានការខឹងសម្បារជាមួយនឹងបញ្ហារនេះ ហើយចង់ឱ្យមានការប្រកួតឡើងវិញ។
ឥឡូវនេះ PGMOL បានណែនាំគោលការណ៍ VAR ថ្មីមុនការប្រកួត Premier League ចុងសប្តាហ៍នេះ។ ប៉ុន្តែ Postecoglou បញ្ជាក់ថា VAR បានធ្វើឱ្យបាល់ទាត់កាន់តែអាក្រក់ សម្រាប់ខ្ញុំពេញចិត្តដកវាចេញសិន រហូតដល់មានបច្ចេកវិទ្យាស្តង់ដារ។
ខ្ញុំគិតថាបច្ចេកវិទ្យាមិនបានត្រៀមរួចរាល់សម្រាប់ការប្រកួតរបស់យើងទេ។
«នោះមិនមែនជាគំនិតអាក្រក់ទេជាមួយនឹង VAR យើងគិតថាវានឹងលុបបំបាត់កំហុស ប៉ុន្តែឥឡូវនេះបើយើងប្រើវាកាន់តែច្រើន វានឹងកាន់តែអាក្រក់ទៅៗ។ គ្មាននរណាម្នាក់ក្នុងចំនោមពួកយើងចូលចិត្តវាទេ នៅពេលដែលពួកគេចំណាយពេលយូរក្នុងការសម្រេចចិត្តរាល់ពេលមានបញ្ហានៅលើទីលាន»។
អ្នកខ្លះមានការងឿងឆ្ងល់ថា ប្រសិនបើ Tottenham ដឹងពីកំហុសនៅពេលនោះ ហេតុអ្វីបានជាពួកគេមិនអោយគ្រាប់បាល់នោះទៅកាន់ Liverpool ។
ចំពោះរឿងនេះ Postecoglou បានឆ្លើយតបថា៖ «យើងមានទំនួលខុសត្រូវខ្ពស់ណាស់សម្រាប់ក្លឹបរបស់យើង ហើយសម្រាប់គ្រាប់បាល់មួយនោះមិនមែនជាការសម្រេចរបស់ខ្ញុំទេ»៕
