លោក Jurgen Klopp បញ្ជាក់យ៉ាងច្បាស់ៗថា Mohamed Salah មិនមែនសម្រាប់លក់ទេ ចំពេលមានការចាប់អារម្មណ៍ពីក្លឹបនៅអារ៉ាប៊ីសាអូឌីត។
យោងតាមសារព័ត៌មាន The Athletic បានរាយការណ៍កាលពីម្សិលមិញថាក្រុម Al Ittihad របស់ Saudi Pro League បានចាប់អារម្មណ៍លើខ្សែប្រយុទ្ធសញ្ជាតិអេហ្ស៊ីប។
វាមិនច្បាស់ទេ នៅដំណាក់កាលនេះ ថាតើកិច្ចព្រមព្រៀងសម្រាប់ Salah ក្រុម Liverpool នឹងសម្រេចចិត្តយ៉ាងណានោះទេ ។ ភ្នាក់ងាររបស់ Salah បានច្រានចោលរបាយការណ៍កាលពីដើមខែសីហា ដែលភ្ជាប់កីឡាកររូបនេះជាមួយនឹងការផ្លាស់ប្តូរទៅកាន់ក្លឹបអារ៉ាប៊ីសាអូឌីត។
ហើយ Klopp បាននិយាយកាលពីថ្ងៃសុក្រថា «មិនមានអ្វីត្រូវនិយាយអំពីទស្សនៈរបស់ក្រុមយើងទេ។ យើងមិនមានការផ្តល់ជូនទេ។ Mo Salah គឺជាកីឡាកររបស់ Liverpool ជាក់ស្តែងសម្រាប់អ្វីៗទាំងអស់ដែលយើងធ្វើ គាត់គឺជាកីឡាករសំខាន់ខ្លាំងសម្រាប់ក្រុម»។
នៅពេលសួរថាតើ Salah នៅតែប្តេជ្ញាចិត្តនៅជាមួយក្លឹបឬយ៉ាងណា Klopp បានឆ្លើយតបថា «100 ភាគរយគាត់នឹងនៅបន្ត»៕
