អ្នកចាំទីរបស់ក្រុម Bayern Munich ត្រូវបានក្រុមម្ចាស់ជើងឯកអាឡឺម៉ង់បាត់បង់ទំនុកចិត្ត ហើយចង់ស្វែងរកអ្នកជំនួស មុនពេលអនុញ្ញាតឱ្យគាត់ចាកចេញទៅកាន់ក្លឹប Inter Milan នេះបើយោងតាមរបាយការណ៍ Calciomercato ។
Inter កំពុងស្វែងរកម្ចាស់អាវកីឡាករលេខ 1 ថ្មីបន្ទាប់ពីអនុញ្ញាត្តិឲ្យ Samir Handanović ចាកចេញ និង Andre Onana បានផ្លាស់ទៅ Manchester United។
អ្នកចាំទីសញ្ជាតិស្វីស ត្រូវបានគេកំណត់ថាជាជម្រើសដ៏មានសក្តានុពលសម្រាប់ Inter ហើយខណៈពេលដែល Bayern បើកចំហរក្នុងការអនុញ្ញាតឱ្យកីឡាករអន្តរជាតិស្វីសវ័យ 34 ឆ្នាំរូបនេះចាកចេញ ប៉ុន្តែត្រូវតែស្វែងរកអ្នកជំនួសជាមុនសិន។ Bayern ធ្លាប់បានទាក់ទងជាមួយ David Raya របស់ Brentford ប៉ុន្តែ Arsenal ហាក់មានលទ្ធភាពក្នុងការផ្លាស់ប្តូរលើកីឡាកររូបនេះ៕
