យោងតាម El Nacional បានឲ្យដឹងថាក្លឹប Al-Hilal របស់ Saudi Pro League កំពុងតែខិតជិតក្នុងការចុះហត្ថលេខាលើកីឡាករ Unai Simon ។ ក្លឹបនៅអារ៉ាប៊ីសាអូឌីត ត្រូវបានគេរាយការណ៍ថាបានផ្តល់ជូន Athletic Bilbao នូវតម្លៃផ្ទេរ €50 លាន រួមជាមួយនឹងប្រាក់បៀវត្សរ៍ដ៏ច្រើនសម្រាប់ Simon ។
ពួកគេបានចុះហត្ថលេខាលើតារាឆ្នើមដូចជា Ruben Neves, Kallidou Koulibaly, Sergej Milinkovic Savic និងជាច្រើនទៀតនៅក្នុងទីផ្សារផ្ទេររដូវក្តៅ។ Simon ហាក់ដូចជាតារាឆ្នើមចុងក្រោយបំផុតដែលចូលរួមក្រុមរបស់ Jorge Jesus។
Simon គឺជាអ្នកចាំទីជម្រើសដំបូងរបស់អេស្ប៉ាញក្នុងរយៈពេលថ្មីៗនេះ។ កីឡាករវ័យ 26 ឆ្នាំបានបង្ហាញខ្លួនចំនួន 33 លើកសម្រាប់ជម្រើសជាតិអេស្ប៉ាញ។ គាត់បានបង្ហាញខ្លួន 159 ដងសម្រាប់ Bilbao ដោយរក្សាបាន 48 Clean Sheets។
យ៉ាងណាមិញ អ្នកចាំទីរូបនេះអាចនឹងចេញទៅអារ៉ាប៊ីសាអូឌីត។ ការចុះហត្ថលេខាលើអ្នកចាំទីកំពូលម្នាក់ក្នុងពិភពលោក នឹងជាសញ្ញាដ៏រឹងមាំនៃមហិច្ឆិតារបស់ Al-Hilal៕
