ខ្សែបម្រើ Fabinho របស់ Liverpool បានបញ្ចប់ការផ្លាស់ទៅក្លឹបអារ៉ាប៊ីសាអូឌីត Al Ittihad ។
បន្ទាប់ពីការផ្លាស់ប្តូររបស់ Jordan Henderson ទៅ Al-Ettifaq ។ Fabinho នឹងក្លាយជាតារា Premier League មួយរូបទៀតដែលផ្លាស់ទៅកាន់ Saudi Arabia ។ Al Ittihad មានទីផ្សារដោះដូរកីឡាករគួរឱ្យកត់សម្គាល់ មកទល់ពេលនេះ ដោយពួកគេបាននាំយកកីឡាករដូចជា Karim Benzema, N’Golo Kante និង Jota រួចហើយ។
Fabrizio Romano បានបង្ហោះចូលទៅក្នុង Twitter ដោយទម្លាយព័ត៌មានដែលថា «Fabinho បានបញ្ចប់ការធ្វើតេស្តវេជ្ជសាស្ត្រក្នុងនាមជាកីឡាករ Al Ittihad នៅទីនេះ។ Liverpool និង Al Ittihad នៅតែរង់ចាំការចុះហត្ថលេខាលើឯកសារកិច្ចព្រមព្រៀង លើកិច្ចសន្យារយៈពេលបីឆ្នាំ»។
យោងតាមរបាយការណ៍បានបញ្ជាក់ថា Liverpool នឹងទទួលបានប្រហែល 40 លានផោនសម្រាប់ Fabinho។ ក្នុងរយៈពេលប្រាំរដូវកាលរបស់គាត់ជាមួយក្លឹប Fabinho បានបង្ហាញខ្លួនសរុបចំនួន 219 ប្រកួតហើយគាត់បានឈ្នះពានរង្វាន់ចំនួន 7 ក្នុងពេលនោះ៕
