ខ្សែប្រយុទ្ធស្លាបរបស់ក្លឹប Barcelona កីឡាករ Raphinha បានបង្ហាញការគាំទ្ររបស់គាត់ចំពោះកីឡាករ Vinicius Junior របស់ក្លឹប Real Madrid។ Vinicius គឺជាប្រធានបទនៃការវាយប្រហារការរើសអើងជាតិសាសន៍ពីអ្នកគាំទ្រ ក្នុងអំឡុងពេលការប្រកួតចាញ់ចុងក្រោយរបស់ Los Blancos 1-0 ទល់នឹង Valencia នៅកីឡដ្ឋាន Mestalla។
គាត់ក៏ទទួលបានកាតក្រហម ត្រូវបានបណ្តេញចេញពីការប្រកួតនោះផងដែរ។ ការរើសអើងដែល Vinicius បានទទួលក្នុងការប្រកួតនោះ បានធ្វើឱ្យពិភពបាល់ទាត់មានភាពអាប់អួរ ពេលនេះ Raphinha បានចេញមកគាំទ្រមិត្តរួមជាតិរបស់គាត់។
បន្ទាប់ពីត្រូវបានប្តូរចេញក្នុងអំឡុងពេលប្រកួតចាញ់ក្រុម Valladolid ក្រៅដី 3-1 របស់ Barcelona កីឡាករ Raphinha បានដោះអាវរបស់គាត់ដើម្បីបង្ហាញសារដែលមានក្លឹបសារថា៖ «ដរាបណាពណ៌នៃស្បែកនៅតែមានសារៈសំខាន់ជាងទេព្យកោសល្យ នោះនឹងមានសង្គ្រាមកើតឡើង»។
វាជារឿងអកុសលណាស់ដែលមានការរើសអើងលើកីឡាករដែលមានទេពកោសល្យដូចជា Vinicius។ សង្ឃឹម ថា នឹងមានវិធានការ ត្រឹមត្រូវ ដើម្បី ទប់ស្កាត់ ឧបទ្ទវហេតុ បែប នេះ កុំឲ្យកើតមានឡើងបន្តទៀត៕
