អនាគតរបស់ Jordi Alba នៅ Barcelona គឺជាប្រធានបទដ៏ក្តៅគគុកក្នុងរយៈពេលប៉ុន្មានសប្តាហ៍ចុងក្រោយនេះ។ កីឡាករវ័យ 34 ឆ្នាំបានក្លាយជាជម្រើសទីពីរ ក្នុងរដូវកាលនេះ បន្ទាប់ពីមានវត្តមានកីឡាករវ័យក្មេង Alejandro Balde ។
កុងត្រារបស់ Alba នៅ Barcelona នឹងផុតកំណត់នៅដំណាច់រដូវកាលក្រោយ ហើយដោយសារគាត់គឺជាកីឡាករដែលមានប្រាក់ចំណូលច្រើនជាងគេរបស់ក្លឹប គាត់ត្រូវបានគេរាយការណ៍ថាកំពុងសម្លឹងមើលការយល់ព្រមលើការបញ្ចប់កុងត្រា ឬកាត់បន្ថយប្រាក់ឈ្នួលប្រសិនបើគាត់ចង់នៅបន្ត។
ទោះជាយ៉ាងណាក៏ដោយ Alba ចង់បន្តនៅ Barcelona ហើយគាត់បានរំលឹករឿងនេះម្តងទៀតទៅកាន់ Joan Laporta ក្នុងអំឡុងពេលកិច្ចប្រជុំរបស់ពួកគេកាលពីថ្ងៃអង្គារ នេះបើយោងតាម MD៕
