Arsenal ត្រូវបានគេរាយការណ៍ថាបានត្រៀមខ្លួនរួចជាស្រេច ដើម្បីចូលរួមជាមួយ Barcelona ក្នុងការប្រជែងយក Joao Cancelo ពីក្រុម Manchester City ។
កីឡាករវ័យ 28 ឆ្នាំរូបនេះបានចាកចេញពីកីឡដ្ឋាន Etihad កាលពីខែមករា នៅពេលបញ្ចប់ការផ្ទេរទៅ Bayern Munich ក្នុងលក្ខខណ្ឌខ្ចីជើង។ កិច្ចព្រមព្រៀងនោះរួមបញ្ចូលទាំងជម្រើសសម្រាប់ការផ្ទេរក្នុងតម្លៃ 70 លានអឺរ៉ូ (61 លានផោន / 76 លានដុល្លារ) ផងដែរ។
យោងតាម 90min បានអោយដឹងថាក្លឹប Bayern នឹងបើកការចរចានៃការបន្តកិច្ចព្រមព្រៀងខ្ចីជើងលើកីឡាកររូបនេះ ប៉ុន្តែក្លឹបដែលចាប់អារម្មណ៍ផ្សេងទៀតកំពុងតែតាមដានយ៉ាងដិតដល់។ វាត្រូវបានគេអះអាងថា Arsenal បានត្រៀមកញ្ចប់ប្រាក់រួចជាស្រេចសម្រាប់កីឡាកររូបនេះ៕
