Lionel Messi បានធ្វើការសុំទោសទៅកាន់ក្រុម Paris St-Germain បន្ទាប់ពីធ្វើដំណើរទៅប្រទេសអារ៉ាប៊ីសាអូឌីត ដោយគ្មានការអនុញ្ញាតពីក្លឹប ហើយខណ:ពេលនេះគាត់និយាយថា គាត់នឹងរង់ចាំការសម្រេចចិត្តរបស់ក្លឹប ថាពួកគេចង់ធ្វើបែបណាចំពោះគាត់ ។
ប្រធានក្រុមអាហ្សង់ទីនរូបនេះ ត្រូវបានក្លឹបផ្អាកការងាពីរសប្តាហ៍ សម្រាប់ការធ្វើដំណើរទៅក្រៅប្រទេសនេះ។
ថ្មីៗនេះ Messi បាននិយាយក្នុងវីដេអូដែលបង្ហោះនៅលើ Instagram ថា៖ «ខ្ញុំសុំទោស ចំពោះអ្វីដែលខ្ញុំបានធ្វើ ហើយខ្ញុំរង់ចាំមើលថា ក្លឹបសម្រេចចិត្តយ៉ាងណា ចំពោះរឿងនេះ។ ខ្ញុំគិតថា ពួកយើងនឹងអាចមានថ្ងៃសម្រាក បន្ទាប់ពីការប្រកួតកាលពីសប្ដាហ៍មុនត្រូវបញ្ចប់»។
«កាលពីមុនមក ខ្ញុំធ្លាប់បានរៀបចំដំណើរកម្សាន្តនេះ ទៅកាន់ប្រទេសអារ៉ាប៊ីសាអូឌីត ប៉ុន្តែខ្ញុំបានលុបចោល។ ដូច្នេះលើកនេះ ខ្ញុំមិនអាចលុបចោលវាបានទេ»។
Messi គ្រោងនឹងចាកចេញពី PSG នៅពេលដែលកិច្ចសន្យារបស់គាត់ផុតកំណត់នៅរដូវក្តៅ។ លោក Christophe Galtier អ្នកចាត់ការទូទៅរបស់ PSG បាននិយាយថា លោកមិនមានជាប់ពាក់ព័ន្ធនឹងការពិន័យព្យួរការងារ Messi នោះទេ។ លោក Galtier បាននិយាយថា៖ «ខ្ញុំមិនបានដឹងពីរឿងនេះនោះទេ។ ខ្ញុំត្រូវបានគេជូនដំណឹងអំពីការដាក់ពិន័យនេះ។ វាមិនមែនជារឿងល្អនោះទេសម្រាប់ក្រុម ប្រសិនគ្មានគាត់»។
PSG បាននឹងកំពុងបន្តឈរនៅកំពូលតារាង Ligue 1 ប៉ុន្តែក៏មានការរិះគន់យ៉ាងខ្លាំងពីអ្នកគាំទ្រ បន្ទាប់ពីការបរាជ័យរបស់ពួកគេក្រោមថ្វីជើងក្រុម Lorient ៕
