ក្លឹបបាល់ទាត់នៅទូទាំងពិភពលោកបានប្រកួតប្រជែងគ្នាជារៀងរាល់ឆ្នាំ ដើម្បីដណ្តើមតំណែងជាក្លឹបបាល់ទាត់ដែលមានទ្រព្យសម្បត្តិច្រើនជាងគេលើពិភពលោក។
Real Madrid និង Barcelona FC គឺជាបេក្ខភាពកំពូលទាំងពីរសម្រាប់តំណែងជាក្លឹបបាល់ទាត់ដែលមានជាងគេបំផុតលើពិភពលោកក្នុងឆ្នាំ 2023។
ក្លឹបបាល់ទាត់ដែលមានទ្រព្យសម្បត្តិច្រើនជាងគេអាចទាក់ទាញកីឡាករល្បីៗមកចូលរួម ហើយក្លឹបដែលមានកំពូលកីឡាករដែលមានសមត្ថភាពនឹងទាក់យកចិត្តអ្នកគាំទ្រទូទាំងពិភពលោក និងមានអ្នកតាមដានរាប់លាននាក់នៅលើប្រព័ន្ធផ្សព្វផ្សាយសង្គម ។
ក្នុងអំឡុងពេលនៃជំងឺរាតត្បាត Covid-19 ក្រុមបាល់ទាត់ជាច្រើនបានបាត់បង់ប្រាក់មួយចំនួនធំ។ បន្ទាប់ពីការរឹតបន្តឹងត្រូវបានដកចេញ អាជ្ញាធរពាក់ព័ន្ធបានខិតខំប្រឹងប្រែងយ៉ាងខ្លាំងក្នុងការស្តារហិរញ្ញវត្ថុឡើងវិញក្រោយការរាតត្បាតនៃជំងឺសកលមួយនេះ។
សូមក្រឡេកមើលក្លឹបបាល់ទាត់ដែលមានជាងគេបំផុតទាំង 10 នៅលើពិភពលោកក្នុងឆ្នាំ 2023 ដែលបានដកស្រង់ពីទស្សនាវដ្តី Forbes មានដូចខាងក្រោម៖
10 Tottenham Hotspur មានប្រាក់ចំនួន ២.៣៥ ពាន់លានដុល្លារ
9 Juventus មានប្រាក់ចំនួន ២.៤៥ ពាន់លានដុល្លារ
8 Chelsea មានប្រាក់ចំនួន ៣.១ ពាន់លានដុល្លារ
7 Paris Saint-Germain មានប្រាក់ចំនួន ៣.២ ពាន់លានដុល្លារ
6 Manchester City មានប្រាក់ចំនួន ៤.២៥ ពាន់លានដុល្លារ
5 Bayern Munich មានប្រាក់ចំនួន ៤.២៧៥ ពាន់លានដុល្លារ
4 Liverpool មានប្រាក់ចំនួន ៤.៤៥ ពាន់លានដុល្លារ
3 Manchester United មានប្រាក់ចំនួន ៤.៦ ពាន់លានដុល្លារ
2 Barcelona មានប្រាក់ចំនួន 5 ពាន់លានដុល្លារ
1 Real Madrid មានប្រាក់ចំនួន 5.1ពាន់លានដុល្លារ៕
