យោងតាមសារព័ត៌មាន Gazzetta dello Sport បានឲ្យដឹងថា Manchester United មានក្ដីសង្ឃឹមយ៉ាងមុតមាំ ដើម្បីចុះហត្ថលេខាយកខ្សែប្រយុទ្ធ Victor Osimhen របស់ក្លឹប Napoli ។
ក្រុមបិសាចក្រហមនាពេលបច្ចុប្បន្ននេះ មានកីឡាករ Anthony Martial និង Wout Weghorst ជាជម្រើសខ្សែប្រយុទ្ធរបស់ក្រុម កីឡាករទាំងពីររូបនេះរកបានត្រឹមតែ 9 គ្រាប់តែប៉ុណ្ណោះក្នុងរដូវកាលនេះ។
លោក Erik ten Hag កំពុងសង្កេតមើលកីឡាករដែលមានសមត្ថភាពអាចបំពេញនៅក្នុងតំបន់ប្រយុទ្ធ ហើយបើយោងទៅតាម Gazzetta dello Sport បានបញ្ជាក់អោយដឹងថា Man United នឹងស្វែងរកគ្រប់វិធីដើម្បីទាក់ទាញ Osimhen ពី Napoli ។
ក្រៅពី Man Utd ក៏មានក្លឹប Chelsea និង Paris Saint-Germain សុទ្ធតែត្រូវបានគេរាយការណ៍ថាចាប់អារម្មណ៍លើកីឡាករវ័យ 24 ឆ្នាំរូបនេះ ប៉ុន្តែរបាយការណ៍ចុងក្រោយបង្ហាញថាប្រធានក្លឹបលោក Aurelio De Laurentiis កំពុងធ្វើអ្វីគ្រប់យ៉ាងដើម្បីរក្សាគាត់ឲ្យបន្តជាមួយ Napoli ហើយបានតម្លើងតម្លៃខ្លួនកីឡាកររូបនេះរហូតដល់ ១៥០លានអឺរ៉ូ៕
