កាលពីព្រឹកថ្ងៃពុធ កាសែត The Sun បានរាយការណ៍ថា Walker ត្រូវបានថតជាប់ដោយកាមេរ៉ាសុវត្ថិភាព CCTV ដែលត្រូវបានចោទប្រកាន់ថាខ្សែការពារក្រុមមេឃខៀវរូបនេះ បានស្ទាបសុដន់របស់ស្ត្រីម្នាក់នៅបារមួយក្នុងទីក្រុង Manchester កាលពីចុងសប្តាហ៍ ។
BBC បានដកស្រង់សម្តីប៉ូលីសប្រចាំតំបន់ Cheshire ថាសមត្ថកិច្ចបានឃើញវីដេអូដែលផ្សព្វផ្សាយនៅលើបណ្តាញសង្គមនោះ ហើយបានបញ្ជាក់បន្ថែមថា «ការសាកសួរគឺស្ថិតនៅក្នុងដំណាក់កាលដំបូង ហើយមិនមានការចាប់ខ្លួនណាមួយត្រូវបានធ្វើឡើងនៅពេលនេះទេ»។
គួរបញ្ជាក់ផងដែរថាទាំង Manchester City និង Walker មិនបានធ្វើការបកស្រាយលើការចោទប្រកាន់នេះទេ ហើយខ្សែការពាររូបនេះកំពុងតែរបន្តហ្វឹកហាត់ជាមួយក្រុម៕
