ការប្រកួតជើងទី២ក្នុងព្រឹត្តិការណ៍ពានរង្វាន់ Champions League រវាងក្រុម PSG និង Bayern Munich នៅវេលាម៉ោង ៣រំលងអាធ្រាតយប់នេះ។ ដោយការប្រកួតជើងទី១ ក្រុម PSG បានចាញ់ Bayern Munich ក្នុងលទ្ធផល 1-0 ។
កិច្ចសន្យារបស់កីឡាករ Mbappe ជាមួយ PSG នឹងផុតនៅឆ្នាំ2025 ប៉ុន្តែគាត់បាននិយាយថា គាត់នឹងចាកចេញ បើក្លឹបមិនអាចឈ្នះ Champions League។ កីឡាកររូបនេះជាកីឡាករតែម្នាក់គត់ដែល Real madrid រំពឹងថាគាត់អាចជំនួសតំណែងរបស់កីឡាករសញ្ចាតិបារាំង Banzema បាន។
Real madrid ធ្លាប់បរាជ័យម្ដងរួចមកហើយ ក្នុងការចុះហត្ថាលេខាលើកីឡាករដែលមានគុណភាពដ៏អស្ចារ្យ ប៉ុន្តែមិនដែលគិតថាបោះបង់គោលដៅចង់បានកីឡាកររូបនេះឡើយ ។
វាជាសំណាងអាក្រក់បំផុតនៅឆ្នាំ 2023សម្រាប់កីឡាករ Neymar ដោយកីឡាករដែលមានតម្លៃខ្លួនថ្លៃបំផុតរបស់ពិភពលោក ឥឡូវនេះត្រូវអវត្តមានសម្រាប់រដូវកាលនេះដោយសារបញ្ហារបួសរបស់គាត់។ វាជាស្ថានភាពលំបាកមួយទាំងកីឡាករ និងក្លឹបដូចគ្នា។ PSG មានភាពល្អប្រសើរទោះបីគ្មាន Neymar នៅក្នុងក្រុម។
ដោយឡែកការប្រកបអាជីពរបស់ Leonel Messi ជាមួយ PSG មិនទាន់អាចជួយក្រុមអោយឈ្នះ Champions League ដែលជាតម្រូវការរបស់ក្លឹបបាននោះទេ។ ក្លឹបអាចនឹងលក់គាត់ចេញ បើគាត់នៅតែមិនអាចជួយក្លឹបអោយឈ្នះ Champions League។
គួររំលឹកឡើងវិញផងដែរថា កីឡាករសញ្ជាតិអាហ្សង់ទីនរូបនេះ នៅតែមានទំនាក់ទំនងជាមួយនឹងការវិលត្រលប់ទៅ Barcelona វិញផងដែរ៕
