បើយោងតាម 90min បានអោយដឹងថា Liverpool បានបញ្ជូនអ្នកសង្កេតការណ៍ ទៅមើលការប្រកួតរវាង Benfica ទល់នឹងក្រុម Famalicao ក្នុងនោះមានកីឡាករ២រូប គឺខ្សែការពារ Antonio Silva និងខ្សែបម្រើ Florentino Luis ដែលភាពលេចធ្លោជាងគេក្នុងក្រុម Benfica។
កីឡាករវ័យ 20 ឆ្នាំ Antonio Silva គឺជាខ្សែការពារវ័យក្មេងម្នាក់ក្នុងចំណោមខ្សែការពារវ័យក្មេងនៅក្នុងទ្វីបអឺរ៉ុបនាពេលបច្ចុប្បន្ននេះ ដែលមានទម្រង់លេងយ៉ាងរឹងមាំ ទាំងក្នុងក្របខ័ណ្ឌកំពូលព័រទុយហ្គាល់ និង Champions League ខណៈដែលខ្សែបម្រើ Luis ធ្វើបានយ៉ាងល្អជាប្រចាំរាល់ការប្រកួតក្នុងរដូវកាលនេះ។
គួររំលឹកឡើងវិញដែរថា Tottenham Hotspur ក៏ត្រូវបានគេនិយាយថាមានការចាប់អារម្មណ៍លើកីឡាករទាំងពីររូបនេះដែរ៕
