បរទេស៖ លោក Thomas Tuchel អាចនឹងធ្វើរឿងភ្ញាក់ផ្អើលមួយ ជាមួយនឹងការវិលត្រលប់ទៅកាន់ក្លឹប PSG បន្ទាប់ពីលោកបានចាក់ចេញពី Chelsea តាំងពីខែកញ្ញាកន្លងទៅ។ នេះបើយោងតាមការចេញផ្សាយរបស់ RMC Sport បានអោយដឹងថាគ្រូបង្វឹកសញ្ជាតិអាឡឺម៉ង់រូបនេះ បានត្រូវគេកោតសរសើរក្នុងបន្ទប់ប្រជុំរបស់ PSG បើទោះបីជាការកាន់តំណែងរបស់គាត់នៅ Parc des Princes មានបញ្ហាច្រើនមុនពេលផ្លាស់ទៅ Chelsea នៅខែមករា ឆ្នាំ 2021។
គួរបញ្ជាក់ លោក Tuchel បានដឹកនាំក្លឹបយក្សនៅបារាំងមួយនេះចាប់តាំងពីឆ្នាំ ២០១៨ ដល់ឆ្នាំ២០២០ ហើយត្រូវបានបណ្តេញចេញពីតំណែងនៅចុងខែធ្នូ ឆ្នាំ២០២០៕
