Chelsea កំពុងស្ថិតក្នុងការពិភាក្សាស៊ីជម្រៅជាមួយ Benfica ជុំវិញការផ្លាស់ប្តូរសម្រាប់ Enzo Fernandez ហើយសុខចិត្តចំណាយប្រាក់ 127លានអឺរ៉ូ ឬ112លានផោន ដែលប្រមាណជា135លានដុល្លា សម្រាប់កីឡាករអន្តរជាតិអាហ្សង់ទីន នេះបើយោងតាមអ្នកសារព័ត៌មានសញ្ជាតិអ៊ីតាលីលោក Gianluca Di Marzio ។
ក្រុមតោខៀវគ្រោងនឹងចំណាយសម្រាប់ Fernandez ក្នុងបីដំណាក់កាល ដែលក្នុងមួយដំណាក់កាលៗក្លឹបត្រូវចំណាយប្រហែល 40 លានអឺរ៉ូ ប៉ុន្តែរង់ចាំការយល់ព្រមរវាងភាគីទាំងពីរ។
បញ្ជាក់ផងដែរថា Benfica ចង់នាំយកកីឡាករ Carlos Alcaraz របស់ Racing Club មកជំនួសតំណែង Fernandez៕
