https://youtu.be/Ai1xjQJmMyk
Manchester United ត្រូវបានគេរាយការណ៍ថាគ្រោងនឹងជំនួស Cristiano Ronaldo ជាមួយនឹងខ្សែប្រយុទ្ធជើងចាស់កីឡាករ Eric Maxim Choupo-Moting របស់ក្លឹប Bayern Munich ក្នុងពេលឆាប់ៗនេះ។
នេះបើតាមការចុះផ្សាយរបស់សារព័ត៌មាន MediaFoot របស់បារាំង ដែលបានអះអាងថាលោក Erik ten Hag គ្រូបង្វឹកបិសាចក្រហមកំពុងពិចារណាយ៉ាងហ្មត់ចត់លើកីឡាករវ័យ ៣៣ ឆ្នាំរូបនេះ ខណៈគាត់សម្លឹងរកការពង្រឹងជម្រើសខ្សែប្រយុទ្ធរបស់ខ្លួន ដោយ Ronaldo ត្រូវបានជំរុញឱ្យចាកចេញនៅខែមករា។
Choupo-Moting បានដើរតួជាផ្នែកមួយដ៏សំខាន់សម្រាប់ទាំង Bayern Munich និង Paris Saint-Germain ក្នុងពេលប៉ុន្មានឆ្នាំថ្មីៗនេះ។ ទោះបីជាយ៉ាងណាក៏ដោយ គាត់កំពុងបង្ហាញពីគុណភាពក្នុងតួនាទីដ៏លេចធ្លោរបស់គាត់ ក្រោមការដឹកនាំរបស់គ្រូបង្វឹកលោក Julian Nagelsmann ហើយបានធ្វើឲ្យក្លឹបមួយចំនួនតាមប្រមាញ់ចង់បានរូបគាត់ ខ្សែប្រយុទ្ធសញ្ជាតិកាមេរូនស៊ុតបញ្ចូលទីបាន 8 គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន 3 ដងក្នុងការបង្ហាញខ្លួនត្រឹមតែជាង 600 នាទីប៉ុណ្ណោះ។
គួររំលឹកឡើងវិញដែរថាកិច្ចសន្យាបច្ចុប្បន្នរបស់គាត់នៅកីឡដ្ឋាន Allianz Arena នឹងផុតកំណត់នៅចុងបញ្ចប់នៃរដូវកាលនេះ ប៉ុន្តែ Bayern គ្រោងនឹងផ្តល់រង្វាន់ដល់គាត់ជាមួយនឹងកិច្ចសន្យាថ្មី៕
