Arsenal, Chelsea និង Newcastle United សុទ្ធសឹងបានបដិសេធនូវឱកាសក្នុងការចុះហត្ថលេខាលើខ្សែប្រយុទ្ធរបស់ Manchester United កីឡាករ Cristiano Ronaldo ក្នុងខែមករា នេះបើយោងតាមការចុះផ្សាយរបស់ The Sun។
Ronaldo ត្រូវបានបន្តជំរុញឱ្យចាកចេញពី Old Trafford ចំពេលចាប់ផ្តើមរដូវកាលមិនសូវបានល្អ ដែលធ្វើឱ្យគាត់រកបានគ្រាប់បាល់ត្រឹមតែពីរគ្រាប់ប៉ុណ្ណោះក្នុងការបង្ហាញខ្លួន 12 លើកសម្រាប់ Man Utd។
ទន្ទឹមនឹងនេះដែរ ខ្សែប្រយុទ្ធព័រទុយហ្គាល់បានបង្ហាញខ្លួនក្នុងជម្រើសដំបូងត្រឹមតែប្រាំមួយដងប៉ុណ្ណោះក្នុងការប្រកួតទាំង 12 របស់ក្លឹបក្រោមការដឹកនាំរបស់លោក Erik ten Hag ។
ភ្នាក់ងាររបស់ Ronaldo បានទៅជួប Arsenal, Chelsea និង Newcastle ខណៈដែលពួកគេព្យាយាមធានាការផ្លាស់ប្តូរសម្រាប់កីឡាករវ័យ 37 ឆ្នាំរូបនេះ។
ទោះជាយ៉ាងណាក៏ដោយ ក្លឹបទាំងបីខាងលើបានបញ្ជាក់យ៉ាងច្បាស់ថា ពួកគេមិនចាប់អារម្មណ៍ក្នុងការចុះហត្ថលេខាលើខ្សែប្រយុទ្ធរូបនេះទេ។
ប្រភពមួយត្រូវបានដកស្រង់សម្ដីថា៖ «Chelsea បានចាប់អារម្មណ៍លើ Ronaldo នៅរដូវក្តៅនេះ ប៉ុន្តែគាត់លែងស្ថិតក្នុងរ៉ាដារបស់ពួកគេទៀតហើយនៅពេលនេះ។ Arsenal និង Newcastle ដឹងពីគុណភាពដែលគាត់នឹងនាំយកមកជួយពួកគេឱ្យសម្រេចបាននូវមហិច្ឆតារបស់ក្លឹប»។
ប្រភពខាងលើបានបន្ថែមថា៖ «ក្លឹបទាំងពីរបារម្ភអំពីផលប៉ះពាល់នៃការមកដល់របស់គាត់អាចមានចំពោះក្លឹប»។
ការរំពឹងក្នុងការចាកចេញរបស់ខ្សែប្រយុទ្ធសញ្ជាតិព័រទុយហ្គាល់ អាចបណ្តាលមកពីសកម្មភាពរបស់គាត់ដើរចេញពីទីលាននៅនាទីទី89 ក្នុងជ័យជម្នះ 2-0 របស់ Man Utd លើក្រុម Tottenham Hotspur កាលពីថ្ងៃទី 19 ខែតុលានេះ។
គួររំលឹកឡើងវិញដែរថា កិច្ចសន្យាបច្ចុប្បន្នរបស់ CR7 ជាមួយបិសាចក្រហមមានសុពលភាពររហូតដល់រដូវក្តៅក្រោយ ហើយគាត់មានជម្រើសនៃការបន្តរយៈពេលមួយឆ្នាំទៀត៕
