រតនគិរី៖ នៅថ្ងៃទី២២ ខែតុលា ឆ្នាំ២០២២ វេលាម៉ោង ១៧:១០នាទី កម្លាំងការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តរតនគិរី បានចុៈបង្រ្កាបទីតាំងលេងល្បែងសុីសងខុសច្បាប់មួយកន្លែងចំណុចផ្ទះរបស់ឈ្មោះ កាន សុខៈ ស្ថិតក្នុងភូមិសាស្ត្រ (ភូមិលំជ័រ ឃុំកាតែ ស្រុកអូរយ៉ាដាវ ខេត្តរតនគីរី) ។
ក្នុងប្រតិបត្តិការនេះកម្លាំងជំនាញធ្វេីការឃាត់ខ្លួនជនសង្ស័យចំនួន០៧នាក់ ដោយមានការដឹកនាំសម្របសម្រួលនីតិវិធីដោយលោក លាង អ៊ូ ព្រះរាជអាជ្ញារងនៃអយ្យការអមសាលាដំបូងខេត្តរតនគិរី ព្រមទាំងបានដកហូតវត្ថុតាងមួយចំនួនរួមមានចានអាប៉ោង, កំរបអាប៉ោង, កាធុនទ្រចានអាប៉ោង, ហាន់តោ១, កន្សែងជូតអាប៉ោង១, សៀវភៅកត់លេខ១ក្បាល, និងរថយន្ត១គ្រឿង។
បច្ចុប្បន្នជនសង្ស័យទាំង០៧នាក់ និងវត្ថុតាង ត្រូវបានឃាត់ជាបណ្ដោះអាសន្ន នៅការិយាល័ព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តដើម្បីបំពេញសំណុំរឿង ចាត់ការតាមនីតិវិធី៕
ប្រភព៖ ស្នងការដ្ឋាននគរបាលខេត្តរតនគិរី
