តារាឆ្នើមរបស់ក្លឹប Paris Saint-Germain កីឡាករ Kylian Mbappe អាចមានជម្រើសសំខាន់ចំនួនពីរក្នុងការជ្រើសរើសរវាងក្លឹប Manchester City ឬ Liverpool ជាក្លឹបបន្ទាប់របស់គាត់ នេះបើយោងតាមចេញផ្សាយរបស់សារព័ត៌មាន Marca ។
កីឡាករអន្តរជាតិបារាំងរូបនេះមិនសប្បាយចិត្តនៅ PSG ហើយលទ្ធភាពនៃការចាកចេញរបស់គាត់កំពុងតែកើនឡើង គាត់សុបិនចង់ផ្លាស់ទៅ Real Madrid ប៉ុន្តែ Los Blancos មិនចាប់អារម្មណ៍គាត់ទៀតទេបន្ទាប់ពីការផ្ទេរបរាជ័យក្នុងរដូវក្តៅ។
Mbappe ធ្លាប់បានសារភាពថាគាត់បានពិភាក្សាជាមួយលោក Klopp អំឡុងពេលដែលគាត់លេងឱ្យ AS Monaco ។ ម្តាយរបស់ខ្សែប្រយុទ្ធរូបនេះក៏ត្រូវបានគេនិយាយថាជាអ្នកគាំទ្រ Liverpool ផងដែរ ដែលអាចជាកត្តាល្អប្រសើប្រសិនបើ PSG និងហង្សក្រហមអង្គុយនៅតុចរចា៕
