យោងតាមសារព័ត៌មាន Evening Standard បានឲ្យដឹងថាខ្សែបម្រើ Jorginho របស់ Chelsea បានច្រានចោលសំណើបន្តកុងត្រាថ្មីរបស់ក្លឹបតោខៀវ ដោយសារតែប្រាក់ឈ្នួលដែលផ្តល់ជូនមិនសមស្របនឹងការទាមទាររបស់គាត់។
កិច្ចសន្យារបស់ Jorginho ជាមួយ Chelsea នឹងផុតកំណត់នៅរដូវក្តៅក្រោយ ហើយក្លឹបសង្ឃឹមថានឹងបន្តកុងត្រាគាត់ ជាមួយនឹងប្រាក់ឈ្នួលដែលស្រដៀងនឹងតម្លៃដែលគាត់ទទួលបាននាពេលបច្ចុប្បន្ន។
ទោះជាយ៉ាងណាក៏ដោយ Jorginho ចង់បានការដំឡើងប្រាក់ខែរបស់គាត់ 25% ដែលនឹងកើនដល់ 15ម៉ឺនផោនក្នុងមួយសប្តាហ៍៕
