Liverpool ចាប់អារម្មណ៍ក្នុងការចុះហត្ថលេខាលើគោលដៅកំពូលរបស់ Manchester United កីឡាករ Frenkie De Jong នេះបើយោងតាមការចុះផ្សាយរបស់កាសែតអេស្ប៉ាញ Sport ។
កីឡាករអន្តរជាតិហូឡង់វ័យ 25 ឆ្នាំត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ប្តូរទៅកាន់ Old Trafford នៅរដូវក្តៅ ប៉ុន្តែទីផ្សារដោះដូរកីឡាករបានបិទ ជាហេតុធ្វើឲ្យខ្សែបម្រើសញ្ចាតិហូឡង់រូបនេះបន្តលេងនៅ Camp Nou ។
បច្ចុប្បន្ន De Jong គាត់មិនមែនជាជម្រើសដំបូងសម្រាប់ក្លឹបយក្សកាតាឡាននោះទេ ដោយអ្នកចាត់ការ Xavi Hernandez ចូលចិត្តខ្សែបម្រើបីគឺ Sergio Busquets, Gavi និង Pedri នៅក្នុងការប្រកួតសំខាន់ៗ។
កីឡាករសញ្ជាតិហូឡង់រូបនេះត្រូវបានគេគិតថា មិនសប្បាយចិត្តនឹងស្ថានភាពបច្ចុប្បន្នរបស់គាត់ ហើយអាចស្វែងរកការចាកចេញនៅខែមករា ខណៈដែលក្លឹប Barcelona ត្រូវបានគេជឿថានៅតែចង់ដកគាត់ចេញ ដើម្បីកាត់បន្ថយបញ្ហាហិរញ្ញវត្ថុរបស់ពួកគេ៕
