យោងតាមរបាយការណ៍បានឱ្យដឹងថា Chelsea បានចូលរួមជាមួយក្រុម Manchester United ក្នុងការប្រជែងដើម្បីចុះហត្ថលេខាលើអ្នកចាំទី Jordan Pickford របស់ Everton ។
ក្រុមតោខៀវបច្ចុប្បន្នមាន Edouard Mendy ជាអ្នកចាំទីជម្រើសដំបូងរបស់ពួកគេ។ កីឡាករសេណេហ្គាល់ត្រូវបានចុះហត្ថលេខាក្នុងឆ្នាំ ២០២០ ហើយសុពលភាពកុងត្រារហូតដល់ឆ្នាំ ២០២៥។
ក្រុមប្រឹក្សាភិបាលរបស់ Chelsea ត្រូវបានរាយការណ៍ថា បានបាត់បង់ជំនឿលើកីឡាកររូបនេះ។ Mendy បានស៊ូទ្រាំនឹងយុទ្ធនាការដ៏លំបាកមួយក្នុងរយៈពេលនេះ ដោយបានបង្កើតកំហុសជាបន្តបន្ទាប់ ដែលធ្វើឲ្យក្រុមរបស់គាត់មានត្រឹមតែ 10ពិន្ទុក្នុងក្របខ័ណ្ឌ Premier League។
ចាប់តាំងពីចូលរួមជាមួយក្រុមតោខៀវ Mendy បានរក្សា Clean Sheet ចំនួន 49 ដងក្នុងការបង្ហាញខ្លួន 99 លើកសម្រាប់ក្លឹប។ គាត់បានឈ្នះពានរង្វាន់បុគ្គល និងក្រុមជាច្រើនជាមួយក្រុមតោខៀវផងដែរ។
ទន្ទឹមនឹងនោះ Manchester United ក៏ចាប់អារម្មណ៍លើ Jordan Pickford ផងដែរ។ David De Gea គឺជាប្រធានបទនៃការរិះគន់យ៉ាងខ្លាំងផងដែរចំពោះការបង្ហាញទម្រង់លេងមិនសូវបានល្អ បន្ទាប់ពីបិសាចក្រហមបានស៊ូទ្រាំនឹងការចាប់ផ្តើមដ៏លំបាកក្នុងរដូវកាលនេះ។
អ្នកចាំទីសញ្ជាតិអេស្ប៉ាញបានក្លាយជាអ្នកចាំទីជម្រើសទី 1 របស់ពួកគេអស់រយៈពេលជាងមួយទសវត្សរ៍មកហើយ។ យ៉ាងណាមិញ កុងត្រារបស់គាត់នឹងអស់សុពលភាពនៅរដូវក្ដៅក្រោយ។ ខណៈពេលដែលក្លឹបអាចបន្តកិច្ចសន្យារបស់គាត់ ប៉ុន្តែពួកគេសុខចិត្តស្វែងរកជម្រើសផ្សេងទៀត។ Manchester United ក៏មាន Martin Dubravka ដែលត្រូវបានចុះហត្ថលេខាក្នុងលក្ខខណ្ឌខ្ចីជើងពី Newcastle United ក្នុងរដូវក្ដៅ។
ទន្ទឹមនឹងនោះ Pickford បានបង្ហាញខ្លួនចំនួន 205 ប្រកួតសម្រាប់ Everton ចាប់តាំងពីចុះហត្ថលេខាជាមួយក្លឹបក្នុងឆ្នាំ 2017 ហើយគាត់ក៏ជាអ្នកចាំទីជម្រើសដំបូងរបស់ក្រុមជម្រើសជាតិអង់គ្លេសផងដែរនៅពេលនេះ៕
