បរទេស៖ នេះបើយោងតាមការចេញផ្សាយរបស់អ្នកសារព័ត៌មានកីឡាដ៏ល្បីល្បាញម្នាក់ គឺលោក Fabrizio Romano បានអោយដឹងថាលោក Erik ten Hag បានបញ្ជាក់សារជាថ្មីម្តងទៀតចំពោះរឿងរបស់ Ronaldo ថា “Cristiano Ronaldo ចង់ចាកចេញ? ទាំងនេះ គឺជាការសន្និដ្ឋានរបស់អ្នក ប៉ុន្តែវាមិនមែនជាអ្វីដែល Cristiano បានប្រាប់មកខ្ញុំ”។
ហើយរូបលោកបានបន្ថែមទៀតថា “ខ្ញុំធ្វើការជាមួយនឹងកីឡាករដែលពួកយើងមាន ហើយយើងក៏មានគម្រោងជាមួយ Ronaldo សម្រាប់រដូវកាលនេះ ដែលពួកយើងនឹងបញ្ចូលគាត់ទៅក្នុងក្រុមរបស់យើង”។
គួរបញ្ជាក់ថា ព័ត៌មានដល់រសើបជុំវិញការចង់ចាកចេញរបស់ CR7 ពីក្លឹបបិសាចក្រហម Man Utd បានផ្ទុះឡើងជាច្រើនក្នុងពេលកន្លងមក។ ហើយការចង់ចាកចេញនេះ ដោយសារតែគាត់ចង់លេងនៅពានរង្វាន់ Champion League៕
